Ushbu Maxfiylik siyosati chsbtest.uz manzilidagi CHSBTEST.UZ platformasi (keyingi o'rinlarda «Platforma») foydalanuvchilarining shaxsga doir ma'lumotlari qanday yig'ilishi, ishlatilishi va himoya qilinishini tushuntiradi. Siyosat O'zbekiston Respublikasining «Shaxsga doir ma'lumotlar to'g'risida»gi Qonuniga muvofiq tuzilgan.
1. Ma'lumotlar egasi va operatori
- Operator: Ta'lim va ilm-fan vazirligi huzuridagi Ixtisoslashtirilgan ta'lim muassasalari agentligi.
- Ma'lumotlar O'zbekiston Respublikasi hududida joylashgan serverlarda saqlanadi.
2. Qanday ma'lumotlar qayta ishlanadi
- Hisob ma'lumotlari: familiya, ism, otasining ismi, login, parol (faqat shifrlangan ko'rinishda), rol, ta'lim muassasasi, sinf, fanlar, telefon raqami.
- Ta'lim ma'lumotlari: test javoblari, natijalar, ballar, e'tirozlar, o'qituvchi izohlari.
- Test halolligi ma'lumotlari: test paytidagi hodisalar (oynadan chiqish, nusxalash va h.k.), sozlamaga ko'ra kamera surati va taxminiy joylashuv.
- Texnik ma'lumotlar: IP manzil, brauzer va qurilma turi, kirish vaqti, faol sessiyalar, ochilgan sahifalar va bajarilgan amallar jurnali (parol, kod va javob matnlari yozilmaydi).
- Telegram botga ulanganda: Telegram ID va foydalanuvchi nomi.
- Obuna uchun: to'lov cheki va to'lov haqidagi izoh.
3. Ma'lumotlardan foydalanish maqsadlari
- Testlarni o'tkazish, natijalarni hisoblash va hisobotlar tayyorlash.
- Hisobni himoya qilish, firibgarlik va ruxsatsiz kirishning oldini olish.
- Bildirishnomalar yuborish (saytda va Telegram botda).
- Obunani rasmiylashtirish va to'lovni tasdiqlash.
- Platformani yaxshilash uchun umumlashtirilgan, shaxsni aniqlamaydigan statistika.
4. Huquqiy asos va rozilik
- Ma'lumotlar foydalanuvchining roziligi asosida, shuningdek ta'lim muassasasining ta'lim jarayonini tashkil etish vakolati doirasida qayta ishlanadi.
- Voyaga yetmagan o'quvchilarning hisobi ta'lim muassasasi tomonidan ta'lim jarayoni uchun ochiladi. Ota-ona yoki boshqa qonuniy vakil farzandi ma'lumotlari bilan tanishishi va ularga oid so'rov yuborishi mumkin.
5. Ma'lumotlarni kimga ko'rsatiladi
- O'quvchi natijalarini uning o'qituvchilari, maktab administratori, ota-onasi va vakolatli ta'lim boshqaruv organi xodimlari ko'radi.
- Telegram botdan foydalansangiz, xabarlar Telegram orqali yetkaziladi.
- Ma'lumotlar sotilmaydi va reklama maqsadida uchinchi shaxslarga berilmaydi. Qonunda belgilangan hollarda vakolatli davlat organlariga taqdim etilishi mumkin.
6. Saqlash muddatlari
- Hisob va ta'lim ma'lumotlari hisob faol bo'lgan davrda va ta'lim hujjatlarini saqlash uchun zarur muddat davomida saqlanadi.
- Test paytidagi kamera suratlari 3 kun saqlanadi va avtomatik o'chiriladi.
- Tashriflar statistikasi 400 kundan keyin o'chiriladi.
- Xavfsizlik jurnali (ochilgan sahifalar va amallar, IP manzil) 14 kun saqlanadi va avtomatik o'chiriladi. Uni faqat respublika administratori muammolarni aniqlash va hisobni himoya qilish uchun ko'radi.
7. Himoya choralari
- Parollar qaytarib bo'lmaydigan shifrlangan ko'rinishda saqlanadi, ulanish HTTPS orqali himoyalanadi.
- Kirish huquqlari rollar bo'yicha cheklangan, muhim amallar audit jurnaliga yoziladi, ikki bosqichli tasdiqlash mavjud.
8. Sizning huquqlaringiz
- Ma'lumotlaringiz bilan tanishish, ularni tuzatish, yangilash yoki o'chirishni talab qilish.
- Rozilikni qaytarib olish (bu holda Platformadan foydalanish cheklanishi mumkin).
- Ma'lumotlaringiz qanday ishlatilayotgani haqida ma'lumot olish.
- Murojaatlar 10 ish kuni ichida ko'rib chiqiladi.
9. O'zgartirishlar
- Siyosat yangilanishi mumkin; muhim o'zgarishlar haqida Platformada xabar beriladi.
- Tahrir: 1-tahrir, 25.10.2026.
10. Bog'lanish
- Telefon: +998916605144
- Sayt: chsbtest.uz